احمد وندي قصة حب وخطوبة ونهاية غير متوقعة

نقل لنا القصة : احمد عاطف

احداث القصة حقيقية يرويها لنا صاحبها 

بدات القصة وانتهت من 2010 لحد شهر 11- 2013

احمد وندي عندهم 20 سنة من نفس المحافظة 

كنا بنتكلم مع بعض عن طريق الفيس بوك حوالي 7 او 8 شهور وكانت معايا في نفس الجامعة  وكنت بفتح  الاكونت بس عشان اكلمها  وفجأء هيا اختفت من حياتي حوالي 3 شهور بعتلها رسايل كتير مرديتش 

بعدين فقد الامل وقولت ممكن تكون سافرت او عملت اكونت جديد وبعد 3 شهور وانا رايح الجامعة اجيب مزكرات عشان امتحاناتي قربت جاتلي رسالة علي الفيس بوك بتقولي 

انا ندا يا احمد فاكرني ولا لا . بصراحة انا فرحت اوي اوي بعتلها قولتلها اه طبعا فاكرك عاملة ايه المهم فضلنا نرغي وانا في الطريق للجامعة علي الفيس من الموبيل

في انفس اليو طلبت اشوفها هيا وافقت واتفقنا اشوفها الساعة 6 عن محطة القطر وهيا  مروحة اول ما شوفتها شوفت في عنيها لامعة لحد دلوقتي مش ناسيها 

متكلمناش وكانت هتعيط راحت سيباني وماشية في نفس اليوم فضلنا نتكلم قولتلها وقالتلي انها اختفت عشان جدتها ماتت وهيا كانت بتحبها اوي 

وفضلنا نرغي نرغي كل يوم علي نفس الموال لحد ما بدات مقدرش مسمعش صوتها في يوم حبيتها اوي وهيا حبتني وكلمت ماماتها قولتلها عايز اخطبها 

انا كنت بدرس لان حولت من كليه لكلية فا رجعت سنين هيا كانت لسه متخرجة من كلية اداب 

كانت شغال في شركة كبيرة وانا كنت بشتغل عادي وانا بدرس فا ندي قالتلي تعالي اشتغل معايا فا سبت شغلي ورحت اشتغل معاها في الشركة 

واشتغلت في قسم كويس وعالي ومستوي جميل لكن الشغل كان متعب اوي بس اتحملت عشان كل يوم بشوفها وبناكل ونشرب مع بعض 

بعد 4 شهور كلام وشغل مع بعض طلبت من ابويا انه يخطبهالي بس رفض فضلت اتحايل عليه لمده شهر لحد ما خطبهالي واتخطبنا 

كنت بعشقها بحب اخرجها وافرحها وعملها كل اللي بتحبه وكنا بنقعد نرسم لحياتنا ادام وكل يوم في الشغل نروح سوي بعد الشغل من وراي اهالينا نخرج نتفسح ونعيش فرحة الدنيا

وكل يوم كان بيعدي جميل جميل جميل بالرغم من تعب الشغل لكن مدام هيا جنبي انا مرتاح 

كنا واخدين فترة خطوبة سنتين عقبال ما اجهز شقتي لكن بدأت المشاكل بعد 6 شهور من الخطوبة مشاكل من عليتها وماماتها وكنت بتحمل

واسكت عشان انا بعشقها مش بحبها بس وعدت اول سنة خطوبة علي خير ولكن كان بنقرب من نهاية الفيلم 

كان عليا ضغوط كتير اوي من اهلها وهلي ودراستي وشغلي وهيا كمان كنت بموت من جوايا بس اتحملت عشان حبيتها ووعدتها ان مش هسيبها

كانت ديما تقولي انا عارفه انك بتحبني اوي وبتحبني اكتر ما انا بحبك 

كانت عايزاني اسمع كلامها علي طول وانا كنت بتحمل بس عشان بحبها ولكن لكل شئ صبره 

كانت تدخل امها وسطنا في المشاكل وانا عمري ما دخلت امي وسطنا  ولكن وبدون مقدمات بعد 4 شهور كمان قالتلي كل شء قسمة ونصيب انا

جاتلي حالة ذهول فضلت اتحايل عليها انها متسبنيش لكن بدون فايدة وكلمت مااماتها واتحايل عليها لكنها مرديتش وحسيت ان كرامتي خلاص اتبهدلت 

سبنا بعض في يوم الفلانتين بشهر 11 . يوم ما قالتلي هنسيب بعض حسيت ان مزعلها روحت يومها كنا في الفلانتين دخلت السنتر عشان اجيب هديه وانا خارج 

امها كلمتني قالتلي خلاص بنتي مش عايزاك وكان منظري ادام الناس ودموعي بتنزل منظر بني ادم مكسور من علي باب السنتر 

رجعت رجعت الهديه لصاحبة المحل قالتلي رجعت الهدية ليه قولتلها اصل صحبتها راحت خلاص 

وروحت ماشي مروح تاني يوم جابتلي حاجتي في الشغل وبعديها سابت الشغل انا تاني يوم كنت في المستشفي بتعالج في تعب بالاعصاب وضعف في عضلة القلب فضلت كام اسبوع 

هيا كلمتني بعد ما سبنا بعض ب3 ايام بتزعقلي ان صحابها بيقولولها انها ظلمتني قالتلي خليت صحاباتي يكرهوني بسببك 

روحت مكلم صحابها قولتلهم انا اللي سبتها وهيا مظلومة

وبعد 15 يوم عرفت انها اتجوزت زميلي في الشغل عشان معاه وجاهز 

انا مزعلتش بس صعبت عليا نفسي وحسيت بجد اد ايه انا مكسور ادام الدنيا كلها 

والاصعب ان وانا في المستشفي محدش جه زارني حتي من اهلي 

ولما خرجت فضلت بعيد عن البشر ومش بتعامل معاهم حوالي 5 شهور قاعد في اوضتي شغال علي الموقع بتاعي علي الانترنت 

حسيت اد ايه الدنيا دي صغيرة اوي وملهاش لزمة 

الوجع مش ان هيا سابتني ولا ان محدش جه زراني كل دا مكنش حاجه 

ادام كسرتك ادام نفسك انك ضحيت وملقتش كلمة شكر 

واديني عايش اهوه بخبط في الدنيا وبتخبط فيها 

انا قولت افضفض  وادردش معاكم شويه 

انا اختصرت القصة علي اد ما اقدر عشان مش اصدعكم 

وقولت الاحداث المرتبطة ببعض علي طول 

بس عايز اقولها كلمة دلوقتي . ربنا يباركلك في حياتك ويخليلك بنتك يارب 

انا لحد دلوقتي لسه بحبك 

الله يسامحك علي اللي عملتيه فيا 

معلش طولت عليكم  اشوفكم علي خير