موضوعنا النهاردة اسمة ازاي تخلي البنات تحبك ، بنات سنة 2019 متغيرين تغيير جذري عن اي بنات قبل كده لو انت شاب تخطيت ال 26 من العمر فانت محتاج الموضوع ده بشكل كبير لان البنات اللي انت عايز ترتبط بيها في سنة ال20 مثلا مبقتش زي البنات زمان اللي كانوا معاك في الكلية.
البنت محتاجة امان واستقرار ودلع مش محتاجة جد وتعب وحياة ناشفة ومقيتة ورتيبة لازم تكون مهتم بيها لاقصي درجة حاول تحتويها وتفهمها متهملهاش والاهتمام اقصر طريق للوصول اليها.
مش هكلمك طبعا انك تبقي مهتم بمظهرك بشكل كبير وتحاول تجذب انتباها بنظافتك الشخصية والاكس ومزيل العرق والجيل والبنطلونات اللي علي الموضه والاحذية الحديثة واهم حاجه عند البنت الاحذية اهتم بنظافة حذائك اوي.
السينما مبقتش من اكتر اهتمامات الفتاة زي زمان لو قولتلها انا هوديكي سينما بكرة علي ما اعتقد انها مش هتبقي مبسوطة زي لو قولتلها انا هخرجك في مكان هادي وكافية كبير وواسع وفيه خضرا وموسيقي .
الأكل ثم الأكل ثم الأكل كان الاول اقرب طريق لقلب زوجك معدتة لا دلوقتي اقصر طريق لقلب اللي مرتبط بيها وهتجوزها معدتها حاول تجبلها سندوتشين شاورما من عند اي مطعم سوري هتفرح بيك جدا.
لا تحاول ان تكون جاد دائما حاول من وقت لاخر انك تبقي انسان لطيف ومبهج وكوميدي ومش شايل هم حاجة المسؤليات مهمة طبعا بس انت متضخمش المواضيع وخدها براحة امامها لانهم بيتوتروا جامد.
لو لاقيت مكان فية سفر شبية بتركيا في مصر نفذه فورا بيحبوا تركيا اوي وانا ارشح ليك مدينة دهب في جنوب سيناء مكان هادي فيه واحات خضراء بجانب المناطق الجبلية وفيها هدوء واستجمام طبعا ده للمتزوجين حديثا مش هتروح تاخد خطيبتك او اللي انت مرتبط بيها دهب وانتم لسه متجوزتوش.
اهتم بتفاصيل اللبس بتاعها لو قالتلك علي لون بلوزة عجباها متقولهاش حلوة وخلاص اتكلم شوية وبينلها انك مهتم وبعدين قولها في الاخر حلوة لو قولت حلوة من الاول هتقول عليك مش مهتم.
حاول تستوعب انهم في معظم الاوقات بيبقوا نكد والنكد تفصيلة مهمة جدا في اي بنت او ست فحاول تتأقلم مع الموضوع ده وتخرجها من اي لحظة نكد بالكلام الحلو .
الدنيا مش مسهتلة عصبية خد كل شيء بهدوء وباتزان واوعي تزعق او تتنرفز لان ده هيؤدي لنتائج عكسية كبرى هتلاقي ماسورة عياط طفحت وموقفتش وعشان تعالج الموضوع ده هتقعد فترة كبيرة تحاول تصلح هذه الكارثة الاشبة بكارثة غرق سفينة تايتانك اللي حصلت في اوائل القرن العشرين.
الصلاة والاستخارة اكثر الامور المهمة في الفترة دي وهترشدك علي حاجات كتير انت مش شايفها بمؤشرات وعلامات او ممكن باحلام ورؤى وانت نايم وهتقولك تكمل ولا تحاول تبعد.
متحاولش تكون متعمق في العلاقة لان التعمق في العلاقة بيؤدي الي ظهور بعض الخناقات والعصبية حاول تكون خفيف.
وفي الختام ربنا يرزقكم بالشخص المفضل لكم واللي يريحكم في حياتكم دون اي مشاكل وعقد واهم شيء الاحتواء والاهتمام وعدم البعد لان البعد بيؤدي الي الجفاء اي مشكلة تقبلكم تحلوها سوى دون ان تسعوا الي تكبير المشكلة بالعند والاستعلاء والتكبر واتفقوا من اول يوم ان يكون اي مشكلة مابينكم مهما كبرت اخرها تكون انكم في الاخر عارفين انكم احباب واصحاب ومفيش حاجه هتفرقكم عن بعض حتي لو مشكلة كبيرة ومتدخلوش حد بينكم الا بالنصائح فقط .
التحكمات من الاهل ممكن تعمل مشاكل وعند فخليهم ينصحوكم فقط من بعيد اما التدخل المباشر من الاهل بيؤدي الي العند والمشاكل الكبيرة اللي مش هتقف وهتتراكم وحتي لو اتحلت مش هتتنسي
إرسال تعليق
اعلم ان الله يراك ♥