تعمل اية لو وقعت في الحب من طرف واحد ؟

الحب من طرف واحد هو من اكتر المواضيع الم وجرح في العلاقات العاطفية انك تبقي قاعد ومراقب شخص معين وبتحبه بشكل كبير وهو مش في بالة او مش شايفك او حاسس تجاهك انك مجرد صديق او اخ شيء مؤسف للغاية.

لو انت شاب وبتحب بنت من طرف واحد فاستطيع ان اقولك ان يا بختك بس لو ممشتش علي الخطوات اللي هقولك عليها يبقي انت بتنتحر وبتأذي نفسك عاطفيا وعقليا ونفسيا وحتي جسديا.

لو انت اعجبت ببنت وبشخصيتها بشكل كبير ولاحظت انك بتراقبها وبتحاول استمالتها بكل الطرق والتلميحات اللي من بعيد ومفيش فايدة احب اقولك انك من المفترض تفضل علي الحالة دي شهر ونص فقط بعد الفترة دي انت بتدمر نفسك.

لو تيقنت بشكل كبير ان الشخصية دي او البنت دي انت بتحبها بشكل كبير حاول انك تلمح او تعرفها انك بتحبها بس من بعيد لبعيد .. لية من بعيد لبعيد لان الصراحة والجراءة اللي بتيجي مرة واحدة في الامور دي خاصة انك شايف انها مش واخده بالها من كده ممكن تتقلب ضدك وتبوظ العلاقة نهائيا من اول مرة.

التلميح من بعيد لبعيد ممكن يجي بانك تعملها اضافة علي فيسبوك ولو قبلت تحاول تبقي مهتم بالحساب بتاعها اي منشور تنشره هي تحاول انك تعمل عليها رياكت قلب او تعلق كتير علي منشوراتها وتوافقها رايها وتحسسها انك معاها.

لو هي مخدتش بالها اصحابها واقاربها واهلها هياخدوا بالهم وهيلمحوا ليها ان في شخص علي فيسبوك عندك بيعمل كذا وكذا وهي بكده هتاخد بالها 100%

لو الفتاة اللي انت معجب بيها من طرف واحد معاك في الشغل فده هيقرب الموضوع اكتر حاول تساعدها في شغلها خلصلها مشاكل هي واقعه فيها ومش عارفه تحلها ، اعزمها علي الفطار او علي كافية بره بعد الشغل حاول تطلب وشوف هي هيبقي رد فعلها اية تجاه الموضوع ده لو وافقت علي اي خيار من الخيارات دي فانت في الطريق الصحيح.

لو كانت جارتك فده شيء سهل انك تعبر بردو حاول تشوف اي المشكلة اللي بتضايقهم في الشارع او في المكان او بتضايقها هي وحاول تحلها ليها باي شكل عن طريق انك تقولها انا لاحظت ان فيه مشكلة مضايقاكم وانا ممكن احاول احلها ليكي ، ولو هي جارتك في بلكونه قدامكم مثلا حاول انك تقف كتير في البلكونة وتشغل شوية اغاني كده تستميل العواطف بيها الحجات دي بتنفع جدا.

من اسوء الحجات اللي ممكن تعملها انك تجيب رقم الفتاة اللي بتحبها من وراها وتحاول تكلمها في التليفون التصرف ده شيء جدا وبيبين لها انك متطفل وشخصية مستفزة وممكن تنفر منك وتبعد او ترفض الموضوع من اوله .

كل المحاولات اللطيفة دي انت هتحاول تعملها في خلال الشهر ونص اللي قولتلك عليهم في اول المقال ، بعد الشهر ونص انت مجبر انك تصرح بشكل مباشر بعد ما تعمل كل الاستمالات دي انك بتحبها ومعجب بيها.

اتكلم بكل صراحة في الوقت ده عرفها ظروفك فهمها امكانياتك وحالتك وشغلك او دراستك وظروف اهلك وظروفك انت حاول تكون جاد في اول لقاء ده وتكلم من قلبك وتعرفها لية انت معجب بيها وبتحبها بشكل صريح وظاهر جدا.

لو لاقيت سكوت او ابتسامة خفيفة حتي لو بدون كلام فانت ماشي في الطريق الصحيح لو لاقيت رد انك شخص محترم وده شيء ممتاز ليها بردو انت ماشي في الطريق الصحيح بس بعد ماتوصل للنتيجة دي ماتحولش تكمل الكلام حاول تخلصه بطريقة لطيفة وتمشي.

اما بقه لو النتيجة كانت الرفض او انك زي اخويا او اني مبفكرش في الموضوع ده فحاول تبعد لفترة مقدرها اسبوع وبعد تفاتحها في الموضوع ده تاني ولو لاقيتها مصره علي كده يبقي تبعد فورا بدون الحاح وفي المقال الجاي هقولك تعمل اية.

للاستفسارات والفضفضة ارسل رسالتك عن طريق " اتصل بنا " او التعليقات