الاخلاص مبقاش موجود بشكل كبير في الوقت الحالي بسبب ضغوط الحياة والخداع اصبح عادة كبرى للعديد من البشر في ناس بتتصنع الحب والعاطفة والحنان للوصول لاهداف شخصية ممكن شخص يتقرب من فتاة بسبب حبه للمال لو معاها فلوس وفيه بنت ممكن تتقرب لولد بردو لنفس السبب وانها نفسها تتقرب منه عشان غني او معاه امكانيات مادية وسيارة باهظة الثمن.
لو عايزين نحل مشكلة الخيانة يبقي المواجهه الهادية هي الحل والكلام ده بالنسبة لخيانة الشباب لان لازم البنت تراعي انه متربي بطريقة يمكن يكون بتتقبل انه يعرف اكتر من بنت في وقت واحد ، في بنات بتتقبل وتعدي المشكلة دي وتعيش مع نفس الشخص تاني بعد الحادثة ومعرفتها واكتشافها الموضوع وفيه بنات لأ وعلي فكرة العدد الاكبر هو اللي بيرفض الموضوع ده وبينفصل بهدوء او بعصبية حتي بعد اكتشاف الامر.
اما البنات اللي بتحاول انها تتعايش وتنسي الموضوع مبتنسهوش اصلا بس بتراعي ان سنوات الحب والارتباط وبتقنع نفسها انه خطأ وتم اصلاحه ولن يتكرر بس لازم يكون في موقف جاد مش سماح بشكل بسيط كده وخلاص.
لازم بعد اكتشافك للموقف متسكتيش وتفكري هتعملي اية لا واجهي علطول وقوليله اية اللي حصل ده وانت عملت كده لية لو اعتذر وقال انا مش هعمل كده تاني قوليله انا عايزه اعرف السبب اللي خلاك تعمل كده ممكن يقولك علي اخطاء انتي بتعمليها تحاولي تتجنبيها عشان ميرجعش يبص لبنت تانية غيرك.
ممكن سلوكيات انتي بتعمليها بتكرهه فيكي ممكن يكون وزنك زاد زيادة عن اللزوم وهو مبيحبش كده وبدا يبص بره ويخون ممكن حاجات كتير ، لو اعترفلك بحاجة منهم لازم ولابد في ساعتها تصلحيها باقصي سرعة وتقوليلة انا صلحتها والحادثة والخيانة اللي انت عملتها دي متتكررش تاني.
بعد فترة لازم تحاولي تختبريه وتشوفي هل اتعدل ولا لسه ، عارفه ان مفيش بنات كتير عندها الانضباط النفسي ده بس حاولي تعملي كده لو باقية عليه.
اما لو بنيانك العاطفي والنفسي ميخلكيش تعملي كده فابعدي وقرري الابتعاد فورا واذا اخدتي القرار ده متحاوليش ترجعي تاني لان رجوعك معناه ضوء اخضر لتنازل والانكسار والسقوط والعمل علي تكرار الفعله دي مرة واتنين وتلاتة.
نتجه بقه للحادث الاخر وهو خيانة الفتاة للشاب ودي بتبقي قاسية جدا علي الرجل لان من المفترض انك مرتبط او خاطب او حتي متجوز واحده انت عارف اخلاقها كويس وطالعه من بيت عامل ازاي واهل عاملين ازاي والبنت لما بتخون بتبقي حاجة من تلاته ياما انت اهملتها بشكل كبير جدا جدا واهنتها بشكل مبالغ فيه وحسستها انها ملهاش قيمة او تكون وهي صغيرة تم تربيتها بطريقة غير سوية او انها عندها خلل عقلي او خلل نفسي .
فكلا التلت حالات البنت اللي فيها السلوكيات دي بتبقي باينة من اول شهر انت عرفتها فيه كونك مكتشفتش فده خطأ كبير منك .
انا رايي صعب في النوع ده من الخيانات وهي خيانة الفتاة وهي انك لازم تبعد لان المرض ده لما بيبقي في بنت مش بتبطله وهترجع تعمله تاني ده بالنسبة لو كانت متربية كده او عندها خلل نفسي وعقلي ، حتي النوع الاول اللي هو بسببك انت فلو هي محذرتكش اكتر من مرة انك اهملتها وان الموضوع بسببك وقالتلك نسيب بعض او قالتلك نفسخ خطوبتنا مثلا واتفجئت بكده بدون اي سبب واضح فده بردو لازم تقرر انها تبعد عنها.
اما اذا قالتلك قبل كده اننا لازم ننفصل ونبعد لانك اهملتني وبتفكر في غيري وقامت بالخيانة فممكن التفاوض واعادتها لعقلها تاني وغفران الحادث وبردو مش اي ولد او شاب او رجل يقدر يعمل كده بس احنا بنقدم حلول ممكن نمشي بيها مركب بين شاب وشابة ومندمرش اسرة.
إرسال تعليق
اعلم ان الله يراك ♥